MAGSAYSAY, Davao del Sur -- Nahimo sa usa ka lalaki ang pagpakamatay human di na niini maantus ang iyang gihambin nga balatian sa pamanit.

Lunes sa gabii, gilayong miresponde ang Magsaysay Municipal Police Station sa Purok 8, Barangay Kasuga subay sa report nga dunay naghikog nga usa ka helper sa panimalay.

Ang biktima nailhang si alyas Mario, 37-anyos, kinsa patay nang napalgan sa kabanay sa agalon niini ug nagbitay na sud sa usa ka lawak.

Gisaysay nga sa wala pa nagpakamatay ang maong lalaki daan na kining nagareklamo sa iyang balatian nga wala nay kaayohan.

Sumala sa kapulisan, walay foul play ang maong hitabo, diin ang patay nga lawas sa biktima gidala sa Brillantes Funeral Home sa Bansalan alang sa post mortem examination.