Fish vendor nanumod og shabu, nabingwit

Hulagway iya sa Toril Police Station
Hulagway iya sa Toril Police Station

PASLAK karon sa selda sa kapulisan sa Toril Police Station ang usa ka fish vendor human kini namaligya og shabu atol sa buy-bust operation Sabado sa buntag, Nobiyembre 13, 2021, didto sa Barangay 21-C, Poblacion, Davao City.

Sa report sa Davao City Police Office, ang suspek nailhang si Randy (bansagon gitago), alyas Bakang, 42-anyos, residente sa Barangay 21-C, ning siyudad.

Napalitan ang suspek og usa ka pakite sa gituohang shabu diin atol sa operasyon nakuhaan kini og motimbang sa 1.45 gramos nga dunay street value nga P20,300.

Sumala ni Police Major Michael Uyanguren, hepe sa Toril police nga dugay na nilang gipanid-an ang ilegal nga lihok sa suspek kinsa notado nang tigpayuhot og ilegal nga druga apan perte lamang kini ka-idlas.

Giandam na sa kapulisan ang pagpasaka og kaso batok sa suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph