SUD na sa 19 ka adlaw nga ang Dakbayan sa Sugbo ubos kaayo og posivity rate kun gidaghanon sa mga nagpositibo itandi sa gidaghanon sa gipailawom sa Covid test.
Matod ni Emergency Operations Center deputy chief implementer Cebu City Councilor Joel Garganera nga naa lang sa 1.6 porsyento kun siyam lang ang nagpositibo sa 500 kapin nga gipailawom sa reverse transcription-polymerase chain reaction (RT-PCR) test sa Miyerkules, Nobiyembre 17.
Ubos kaayo kini sa gitakdang threshold sa World Health Organization (WHO) nga 5 porsyento, nga giisip nga luwas.
Sa nakalabay sab nga 14 ka mga adlaw, way bag-ong mga kaso sa coronavirus disease 2019 (Covid-19) sa 49 ka mga barangay sa Dakbayan sa Sugbo.
Matod ni Garganera nga maanindot kini nga tilimad-on, apan nabalaka siya kay ingon sa ningkompyansa na ang publiko