OPISYAL nang mihulip si vice presidential aspirant ug Davao City Mayor Sara Duterte-Carpio isip chairman sa Lakas-Christian Muslim Democrat (Lakas-CMD) niadtong Miyerkules, Nobyembre 17, 2021.
Si Duterte-Carpio opisyal nga gideklara isip chairman sa partido atol sa panagtagbo sa Lakas-CMD National Council Huwebes, Nobyembre 18.
Ang sa iyang pagpamulong, nagsulti nga dako niyang kadungganan nga mahimong kabahin sa mga tag-as nga opisyal sa partido.
"Sa totoo lang, hindi ko kailanman inakala na darating ang araw na ito. Masaya po ako sa Davao City.
Marami pa sana akong gustong gawin bilang mayor ng aming siyudad. Pero alam po natin ang nangyari," matud pa niya.
"Hindi ko na po mahindian ang mga Pilipino. Hindi ko na po mahindian ang Pilipinas," dugang pa niya.
Gikanayon niini nga iyang gidawat ang hagit "with the thoughts of our fellow Filipinos facing extraordinary challenges in the times of the Covid 19 pandemic."
Gipasalig sa mayor nga ang Lakas-CMD ug ang ilang mga miyembro sa nasud "will never abandon their commitment to the people."
Sa miaging semana, ang mayor nakighiusa sa partido niadtong Nobyembre 11, samang adlaw sa dihang siya mibiya sa Hugpong ng Pagbabago (HNP), ang rehiyonal nga partido nga iyang giubanan og tukod niadtong 2018.
Ni-file si Duterte-Carpio sa iyang certificate of candidacy isip bise presidente alang sa 2022 elections niadtong Sabado, Nobyembre 13.
Ang Partido Federal ng Pilipinas (PFP) ug ang People's Reform Party nagsagop kaniya isip ilang standard bearer alang sa pagka-bise presidente.
Samtang si PFP's presidential aspirant Ferdinand "Bongbong" Marcos Jr. opisyal nga nagpahibawo nga si Duterte-Carpio opisyal na niyang runningmate.
Usa ka adlaw una ang iyang opisyal nga pagpahimutang isip chairman, gibutyag ni Duterte-Carpio nga siya ug si Marcos nangayo og suporta gikan sa Partido Demokratiko Pilipino–Lakas ng Bayan (PDP-Laban) ug magporma og panag-abin, apan gibalibaran kini sa nahisgutang partido.
Ang mayor nagtin-aw nga nakasabot siya sa desisyon sa partido ug wala siya magdaut bisan kinsa.
Apan si Senador Christopher "Bong" Go, kandidato sa pagka-presidente sa PDP, wa gipaninuod ang pahayag ni Duterte-Carpio niadtong Miyerkules, Nobyembre 17, 2021.