Mga sagol:
Set A:
1 ka kilo nga pork chops, panit ug bukog gitangtang (around 5 to 6 pcs.)
1 ka kutsara sa ahos, gitadtad og maayo
2 ka kutsara sa oyster sauce
2 ka buok calamansi, juiced
1 ka kutsara sa five-spice powder
Set B:
1/2 tasa sa harina
3 ka kutsara sa cornstarch
1 kutsaritang baking powder
½ sa kutsaritang asin
1/4 kutsara sa black pepper
1/2 tasa sa bugnaw nga tubig
Set C:
1 ka tasa sa harina, alang sa dredging
Mantika, para pangprito
Mga pamaagi:
A. Ibutang ang kada cutlet sa plastic nga putos, ug gamita ang flat head sa meat mallet, dukdoka ang karne ngadto sa kabag-on nga ¼ inch. Templahi ang duha ka sides sa karne sa mixture sa ahos, oyster sauce, calamansi juice ug five-spice powder.
B. Sa usa ka bowl, sagula ang mga sagol sa Set B, ukaya sa bugnaw nga tubig. Ayaw palab-ani ang pagsagol. Okay ra kon dunay magburot. Linyaha aron ang pag-batter mas sayon. Himoa ni pinaagi sa pagbinuok. Timan-I kinahanglan nga uga ang imong kamot alang sa dry nga mga sagol ug ang usa alang sa basa.
C. Pag-coat sa karne og harina nga patas ang gibag-on ug tangtanga ang sobra. Unya, gamit ang kamot, ihumol ang karne nga duna nay harina ngadto sa batter, nga angay ang kabag-on, ug ang sobra itaktak. Lahia ni alang sa matag usa ka karne. Andama ang kaha nga dunay baga nga lubot nga dunay mantika ug giladmon nga ¾ inch, giinit og 180 degrees Celsius. Hinaya pagbutang ang karne ngadto sa init nga kaha. Seguroa nga ang karne imong nabutang ngadto sa side nga atbang nimo aron di ka mapiksan sa mantika kon kini mahug. Mahimong magluto kag duha ka chops sa usa ka lunod, kana kon kada usa napahimutang nga flat sa kaha. Mantikai sud sa 4 ngadto sa 5 minutos sa matag side sa medium nga kainiton. Kon mag golden brown na ang duha ka habig, ibutang sa kitchen towel ug pasagdahi og 2 minutos.
Kon i-serve, hiwaa og 1 inch kada side. I-arrange sa usa ka plato uban sa imong pinili nga dipping sauce ug sidings.