GITAHAN sa mga opisyal sa barangay ang pito ka mga tag-as nga matang sa armas alas 2 sa hapon, Sabado, Nobyembre 20, 2021, sa probinsiya sa Cotabato.
Gisurender ang pito ka mga armas sa Joint Task Force Central (JTF Central) sa Barangay Ladtingan, Pikit, Cotabato.
Sumala kang 90th Infantry Battalion Philippine Army Commanding Officer Lieutenant Colonel Rommel Mundala nga ang mga armas naggikan sa mga Barangay sa Pamalian, Punol, Macasendeg, Damalasak, Kolambog, Silik ug Pulangi Pikit Cotabato.
Ang mga armas nga gisurender gilangkuban sa duha ka US Carbine Cal 30 rifle, usa ka US Cal 30 M1 Springfield rifle, duha ka M1 Garand Rifles, ug duha ka M1917 Enfield rifles.
Nagpasalamat sab si 602nd Brigade Commander Colonel Jovencio “Joven” Gonzales sa mga opisyal sa barangay ug sa lokal nga gobiyerno sa Pikit sa hugtanon nilang suporta sa kampaniya sa gobyerno batok sa mga loose firearms.
"The people of North Cotabato along with the Local Government Units has been our active partners in the attainment of peace and stability in the Province," matud ni Gonzales.
Subling giaghat ni 6th Infantry (Kampilan) Division Chief ug JTFC Commander Major General Juvymax Uy ang mga naghupot o dunay gitago nga mga loose firearms nga isurender bag-o pa sila madakpan.