SA labing unang higayon, gipahigayon ang bongga nga “Inclusion LGBTQIA+ Charity Ball 2021” niadtong Biyernes, Nobiyembre 19 sa Triton Ballroom, JPark Island Resort and Spa sa Barangay Maribago, Lapu-Lapu City.
Mga miyembro sa Mahuyang Alang Sa Kalambuan (MASK) mipagawas sa ilang creativity ug talento sa ilang costume nga Haute Couture nga girampa ang atol sa maong kalihokan.
Ang maong programa gipaluyohan ni Kongresista Paz Radaza nga naghatag og bili sa mga pundok sa ‘gay and lesbian’ nga unang namugna atol sa iyang administrasyon sa dihang siya pay mayor sa dakbayan sa Lapu-Lapu.
“Let this occasion be a fitting opportunity to instill in ourselves the beauty of fairness and equality.
“I want also to emphasize that true inclusivity is not singular.
“We have our brothers and sisters from other sectors of the society who also equally experience discrimination and marginalization.
“We have our sectors of women, elderly, persons with disabilities, children, and many more.
“Like us, they also long for inclusivity,” tipik sa pakigpulong sa kongresista.
Matod pa sa opisyal nga ang pagtinabangay maoy yawe aron nga makab-ot ang kalambuan.
Ania ang winners sa Mask Secret Fashion Show nga gisalmutan sa 20 ka mga kandidata nga gikan sa nagkadaiyang barangay sa Lapu-Lapu.
Ang representante sa Barangay Maribago maoy napili nga Mask Secret Fashion Show Queen.
Samtang second runner-up ang Barangay Gun-ob ug first runner-up Barangay Mactan.