USA ka ex-convict gi-salvage ug napalgan nga gilabay sa awaaw sa Sitio Tongo, Barangay Polog, lungsod sa Consolacion, alas 12:20 sa aadlawon sa Dominggo, Nobiyembre 21.
Ang biktima mao si Downer Sasing Balaba, ulitawo, ex-convict sa kasong illegal nga drugas ug taga Barangay Panoypoy, Consolacion.
Si Police Master Sgt. Ramon Chinel sa Consolacion Police Station, nibutyag nga ang biktima giila sa iyang mga kabanay alas 10:50 sa buntag kagahapon, Nobiyembre 21.
Ang mga residente sa lugar nakabati og sunod-sunod nga buto sa armas. Sa pagsusi nila, ilang nakit-an ang biktima nga wala nay kinabuhi,
Si Chinel nagkanayon nga sa nakuha nilang impormasyon, ang biktima nabilanggo kini sa dakbayan sa Mandaue gumikan sa kaso sa illegal nga drugas. Nabilanggo na usab kini sa Liloan gumikan sa samang kaso. (GPL / BBT)