SUPERBALITA CEBU

Mga tinudlo ni Labella hayan ilisan; city admin hayan apil

PULIHAN: Gipahibawo ni Cebu City Mayor Michael Rama nga hayan ang mga tinudlo ni anhing Mayor Edgardo Labella hulipan tungod sa “trust and confidence.”/TAMPO

IPAUBOS sa evaluation ang tanang mga regular ug casual nga kawani sa Cebu City Government aron maoy mag-deterninar sa ilang pagpabilin sa pwesto ug pag-renew sa ilang contract gikan sa Enero hangtod Hunyo 30, 2021.

Kini ang gipahibawo ni Mayor Michael Rama atol sa una niyang adlaw sa paglingkod isip mayor sa Cebu City gumikan sa pagtaliwan ni Mayor Edgardo Labella niadtong Nobiyembre 19.

“I will repeat what I said before, with due respect to our departed mayor, I will not rock the boat here at City Hall. But the one-month evaluation of all employees’ performance continues,” padayag ni Rama.

Sa coterminous nga mga tinudlo ni Labella, gipadayag sa bag-ong mayor nga dili employment sa City Government ang basehan kon dili ang trust and confidence sa appointing authority, dugang ni Rama.

“Definitely, it would just be a matter of time. I should always look at the issue of trust and confidence. These are positions that I was mindful and cognizant of the so called coterminous,” nagkanayon si Rama.

Gumikan niini, nameligro nga hulipan sa ilang mga katungdanan ang mga tinudlo ni Labella sama sa pangulo sa City Administration nga si Atty. Floro Casas Jr. nga appointed sa nitaliwan nga mayor ug ang mga executive assistant nga gi-hire para maoy mohimo sa mga confidential, highly technical nga trabaho sa City Government ug niserbisyo para sa appointing authority.

Ang chief sa City Legal Office nga si Atty. Rey Gealon niluwat na sa katungdanan epektibo niadtong Oktubre 8 sanglit magpapili siya isip city councilor sa south district sa Mayo 2022 elections.

Ang mga consultants ilawom sa Office of the Mayor susihon usab kon maapil ba sa coterminous ang ilang pagtrabaho nga nagpasabot nga kon mahuman na ang serbisyo sa gabutang nila sa pwesto, mahuman usab ang ilang panerbisyo.

Apan dili angay mabalaka ang mga casual ug job order sa City Hall kansang tumong mao ang pagpangalagad pinaagi sa pagsunod sa ilang trabaho sa ilang tagsatagsa ka opisina.

“No one should be afraid, for as long as dili mo kawatan, hugawan, tapulan, pala-away, tismoso, intrigero, bugal-bugalon, tigpamentaha, kwentador o’ mo ihap og trabaho, isipan ug empleyado nga wala diay nahibaw-an ug nakama-ohan," dugang ni Rama.

Ang bag-ong mayor nibutang og ‘shadow cabinet’ nga maoy mo-oversee, coordinate, collaborate ug cooperate ngadto sa 27 ka departamento ug maoy mohatag og feedback ngadto kang Rama aron maoy basehan sa ilang pagpadagan sa City Government sa mosunod nga pito ka mga buwan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!