Balay-balay, Tubig-Tubig: Conference batok labor trafficking

■ GITUKOD: Ang Childrens Legal Bureau malampuson sa pagtukod sa Western Visayas Brigade Against Trafficking in Persons, Online Sexual Exploitation of Children and Gender-Based Violence (WV-BATO). Sa hulagway mao ang walo ka mga unang miyembro ang WV-BATO sa pagkakaron uban sa nag-organisar. / Tampo
■ GITUKOD: Ang Childrens Legal Bureau malampuson sa pagtukod sa Western Visayas Brigade Against Trafficking in Persons, Online Sexual Exploitation of Children and Gender-Based Violence (WV-BATO). Sa hulagway mao ang walo ka mga unang miyembro ang WV-BATO sa pagkakaron uban sa nag-organisar. / Tampo

MALAMPUSON nga gihimo ang ika-siyam nga matag tuig nga Cebu Against Child Sex Tourism (CAST) Conference niadtong Nobyembre 18 ug 19 nga giorganisa sa Children’s Legal Bureau (CLB).

Sentro sa maong panagtigum ang paghisgot kabahin sa child labor and exploitation nga maoy usa sa mga gibatukan sa CLB nga porma sa pagpangabuso ug pagpanghimulos sa mga bata.

Gawas sa mga diskusyon ug mga presentasyon gikan sa resource speakers, tinguha sa maong kalihukan nga mapanalipdan ang mga bata isip usa sa vulnerable sectors batok sa krimen labaw na sa katong nagsugod na og trabaho.

Gani, napalapdan na ang pundok sa maong adbokasiya pinaagi sa pagtukod og bag-ong hugpong sa mga bag-ong areas sa CLB.

Sa Iloilo City, natukod na ang WV-BATO o ang Western Visayas Brigade Against Trafficking in Persons, Online Sexual Exploitation of Children and Gender-Based Violence. Dunay walo ka mga myembro ang WV-BATO sa pagkakaron.

Sa Dumaguete City, napundok na sab ang ONCE o ang Oriental Negros Against Child Labor and Exploitation.

Ang mga myembro sa duha ka mga bag-ong pundok mipirma ug nanumpa sa usa ka Oath of Commitment agig pasalig nga musalmot sa pakigbatok sa pag-abuso sa mga bata.

Gitambungan ang CAST Conference sa nagkadaiyang sektor lakip na ang kapulisan, mga representante gikan sa mga ahensya sa gobiyerno ug lokal nga kagamhanan, ug mga miyembro sa non-government organizations (NGOs).

Susama sa mga milabay nga kalihukan nga gi-organisa sa CLB, blended ang maong activity nga nagpasabot nga dunay mga participant nga anaa sa onsite venues ug duna poy uban nga miapil pinaagi sa Zoom.

Lakip sa mga nahisgutan sa maong conference ang sitwasyon sa labor trafficking sa Pilipinas ilabi na sa Central Visayas, ang kalahian tali sa child exploitation in labor ug lehitimo nga pagpanrabaho sa mga bata, ug mga angay nga sundon nga mga proyekto o programa sa pagtubag sa hagit nga hunungon na ang child exploitation in labor.

Gipalawman sab ang pagsabot sa mga balaod kabahin sa child labor ubos sa Labor Code, Anti-Trafficking in Persons Act, ug Worst Forms of Chlld Labor Law.

Lakip sa speakers mao silang Jerome Alcantara, Executive Director sa Blas F.Ople Policy Center and Training Institute; Atty. Joan Dymphna Saniel-Amit, Executive Director sa Children’s Legal Bureau; Ms. Froline Sales, gikan sa Regional Council Against Child Labor (RCACL); ug Daphne Culanag, Director, Ace Project sa World Vision Development Foundation, Inc.

[Lindog sinuwat ni Atty. King Anthony Perez, usa sa mga abogado sa Children’s Legal Bureau. Mahimo kamo nga mopadangat sa inyong mga suliran o pagsumbong sa kaso sa pagpangabuso pinaagi sa pag-email (clbphilscebu@gmail.com) o pag-send og mensahe sa Facebook Messenger: m.me/ChildrensLegalBureauInc]

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph