EX-CON nga didto sa internet café gipatawag sa silingan nga ex-con sa pasangil nga makigkuyog pag-iskor og drugas, apan sa ilang pagpanglakaw gi-ulo ang biktima sa pagpusil resulta sa iyang hinanaling kamatayon.
Ang kremin nahitabo niadtong Lunes, Nobiyembre 22 sa gabii, sa Sityo Dakit, Barangay Poblacion, Lungsod sa Pinamungajan, Sugbo.
Pagkasunod adlaw, Nobiyembre 23 sa buntag napalgan ang biktima nga si Kevin Itoc Villarante, 26, ulitawo, nga nag-ubo ug nagkadugo.
Nasayran nga si Villarante nabilanggo kaniadto sa kasong illegal drugs. Si Major Vincent Zozobrado, Hepe sa Pinamungahan Police Station mi-ila sa suspek nga si Charlie Lihaylihay Puno, 30, minyo, ex-convict sa kasong drugas ug armas.
Butyag ni Zozobrado sa dihang nahinabi sa SunStar nga adunay nakakita sa maong kremin, misaysay ang saksi nga gisugo siya sa suspek sa pagpatawag ni Villarante nga didto niadtong higayona sa internetan.
Misanong ang biktima kay giingong makigkuyog si Puno nga giingong mo-score sila og shabu.
Pag-abot sa hilit nga dapit sa Sityo Dakit, kalit nga mibunot sa armas ang suspek dayon pusil sa biktima tumong sa ulo.
Padayon nga nagtago-tago si Puno human sa kremin. Ang kapulisan nagduda nga adunay wa pagsinabtanay ang suspek ug biktima may labot sa transaksiyon sa illegal nga drugas.