SIKOP ang usa ka lending collector human napalitan og gituohang shabu atol sa buy-bust operation sa Regional Special Operation Group/Regional Police Drug Enforcement Unit-Davao (RSOG-RPDEU XI) alas 8:30 sa gabii, Nobyembre 23, sa S.I.R. Gravahan, Matina, Davao City.

Ang suspek giila sa kapulisan nga si Nell Garciano, 40-anyos, ug mulopyo sa maong lugar.

Nasikop ang suspek subay sa operation nga gipangunahan ni Police Lieutenant Louie Balmori ubos sa sa superbisyon ni Lieutenant Colonel Ronald Lao.

Anaa sa 1.52 gramos ang gidaghanon sa nakuha gikan sa posisyon sa suspek nga mokantidad og P19,000.

Kasong paglapas sa Republic Act RA 9165, kun Comprehensive Dangerous Drugs Act of 2002, ang atubangon sa suspek didto sa korte.