GIPAKITA na sa publiko sa Madame Tussauds museum sa Hong Kong ang kaugalingong wax figure ni Filipino boxing legend Manny Pacquiao sa miaging adlaw, Nobiyembre 23, 2021.
Ang wax figure naggamit sa aktuwal nga boxing shorts, shoes ug gloves sa Pambansang Kamao ng Pilipinas.
“Thank you for doing such a great job here,” asoy ni Pacquiao sa interbyu sa Madame Tussauds.
“I feel proud to be part of Madame Tussauds Hong Kong. I hope my fans will visit the attraction, and enjoy taking pictures posing with me. I’m sure the fans will be happy and excited for this wax figure.”
Gipasabot sa 8-division world champion nga ang shorts, shoes ug gloves nga iyang gigamit sa miagi niyang mga away iyang gi-donate sa Madame Tussauds aron makahatag og inspirasyon sa katawhan.
Si Pacquiao miretiro niadtong Septiyembre, 2021 human siya nakadesisyon nga molansar isip presidente sa Pilipinas sa nga eleksyon sa sunod tuig.