SUPERBALITA CEBU

Tambagi ko Noy Kulas: 5 uyab ni Manoy

Dear Noy kulas,

Tagoa ko sa ngan nga Cerdobal, electrician, Ania ko nagpuyo sa usa ka lungsod sa Cebu. Nag-edad ko og 68 anyos na. Para klaro, aduna koy lima ka mga uyab. Ang una mag 16 years na ang among relasyon.Dayon nasundan og usa nga mag 8 yrs na pod ang among relasyon. Ang iyang edad kay 53 anyos. Dayon duna na pud usa nga mag 2 years na ang among relasyon karon. Ang edad 20 anyos ug duna siyay usa ka anak.

Dayon nasundan og laing usa ka babaye nga one year na kapin ang among relasyon. Nag-edad siya og 33 anyos, Dayon nasundan na pod og usa nga mag 7 months pa ang among relasyon kay naputol lang ato lang Sept 18, 2021. Ang iyang edad kay 42 anyos.

Bisan lima sila ka buok, wala makasakop ang akong asawa kay maayo ang pagkadala. Taman ra siya sa pagduda. Sa nilang lima, usa ra ka relasyon nako, kining ikaduha, nga wala masayod nga naa koy pamilya.

Ang akong patambagan kay ang among relasyon sa pinakaganahan nako sa sex, kining ika upat nga edad 33. Adtong Oct.29 kalit lang siyang nawala ug ang iyang contact. Taga Liloan rani siya. Ingon niya mouli kuno ang iyang ka live in sa una nga amahan sa iyang mga anak. Pero nisaad siya nako nga dili na siya makig-uli. Ang problema kay nadutlan ko sa gugma. Hangtod karon dili mawala sa akong hunahuna kay ang among gibuhat labaw pa sa magtiayon. Lambing kaayo ni siya ug wala sab mi kaagi og lalis o away. Unsay angay kong buhaton para makuhaan ang ako kamingaw, kaguol ug kabalaka?

Daghang salamat.

CERDOBAL


Cerdobal,

Sa unom ka mga babaye sa imong kinabuhi, ang 33 anyos ang imong nawilihan, di ang imong asawa? Tungod kay siya paraygon ug maayo sa sex? Mao na ang imong nawilihan niya?

Kahibawo ka, sa imong edad karon, moabot ang panahon nga maglisod na ka og lihok ug magkasakit. Kanang bayhana di na moatiman nimo, apan ang imong asawa ug pamilya naa nimo kanunay. Di na mobiya.

Maanad ra ka sa paglabay sa panahon nga wa siya. Sex ra man nang imoha ug iyang kaparaygon ang imong gihidlawan niya. Sa pag-abot sa panahon, imo ra na siyang makalimtan ug maamguhan mo nga ang imo diayng asawa ug pamilya maoy importante, di kanang imong mga ka sex nga babaye for years.

NOY KULAS

kulassuper@sunstar.com.ph


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!