DUHA ka mga managsuon nga sakop sa Communist Party of the Philippines-New Peoples Army (CPP/NPA ) sa lungsod sa Sta. Catalina, Negros Oriental ang ningtahan sa awtoridad.
Si Police Colonel Robert Lingbawan, battalion commander sa Regional Mobile Force Battalion (RMFB) 7, niila sa managsuong nga nagdala sa mga alyas ‘Ka Kikiw’ ug ‘Ka Tikboy.’
Matod ni Lingbawan, ang managsuon ningtahan sa 705th Mobile Company nga gipangulohan ni Police Lieutenant Jade Basingao.
“Yang dalawa na yan miyembro kasi yan nang local guerilla unit ug ubos sa South East Front sa mga rebelde," matod ni Lingbawan.
Dugang ni Lingbawan nga kining duha ka mga ningtahan dili frontliners sa giyera sa NPA, apan tig-organisar sa masa.
“Yung dalawa na yan, remnants yan sa south east front under Rachel Palang Command, actually yung grupo na yan na-dismantle na natin yan last year pa pero hindi ibig sabihin na na-dismantle na yan, wala na," dugang ni Lingbawan.
Ang duha nasuta mga miyembro sa walhong kalihukan nga wala sa gihawiran nga mga listahan nga na validated na sa PNP.
“Sila yung NPA listed kun baga yong mga pangalan nila wala sa validated names natin, kasi meron tayong ga validated talaga yong pangalan nandiyan sa NPA,” dason ni Lingbawan.
Matod sa opisyal nga ang duha mitahan sa ilang kaugalingon tungod sa ilang kahadlok ug gusto na nga mobalik sa sabakan sa balaud ug magpuyo sa normal nga kinabuhi. /