SUPERBALITA CEBU

Casas mi-resign isip city admin

NILUWAT na sa katungdanan isip city administrator si Atty. Floro Casas Jr. gumikan sa pagtaliwan ni Mayor Edgardo Labella niadtong Nobyembre 19, 2021.

Si Casas maoy labing taas nga opisyal sa City Hall nga coterminous ni Labella kansang pagtrabaho nag-agad sa mando sa appointing authority nga maoy nagbutang kaniya sa pwesto.

“With Mayor Edgar Labella’s passing, my coterminous appointment as city administrator also expired. It is truly an honor and privilege to have served the Cebu City Government and to have worked with competent & dedicated public servants under the administration of our beloved mayor, Edgar Colina Labella,” pahibawo ni Casas.

Ang kanhi city administrator maoy managing partner ni Labella sa iyang EC Labella and Partners Law Office sa wala pa siya gitudlo isip alter ego sa mayor dihang napili isip local chief executive niadtong tuig 2019 kanus-a iyang gipilde si kanhi mayor Tomas Osmeña.

Sa administrasyon ni Labella, iyang napailisan ang 33 ka tuig na nga traffic light system nga karon usa na ka inteligent traffic light system (digital and camera), nahatagan og libreng uniporme ug school supplies ang dul-an 200,000 ka elementary students, na-operational ang first three floors sa Cebu City Medical Center, nagahinan og P1.5 bilyones ang CCMC para pagtiwas hangtod sa 10 ka andana, napabarog ang medium rise building (MRB) sa Lorega balor og P120 milyones ug daghan pa sulod lamang sa duha ka tuig ug upat ka buwan niyang pangatungdanan.

“Daghang salamat Mayor Ed for your trust & confidence! You are the best Mayor ever!,”padayag ni Casas kinsa nagpasalamat sa iyang mga kauban nga department head sa City Hall ug sa tanang mga kawani nga iyang nakatrabaho.

Gumikan sa bakanteng posisyon nga nabiyaan ni Casas, gi-designate ni Mayor Michael Rama si Engr. Suzzane Ardosa isip acting city administrator aron maoy mopadagan sa trabahuon sa 27 ka departments ug mga division offices sa City Hall sa mosunod nga pito ka buwan.

Si Ardosa kinsa nagkupot og assistant department head nga posisyon sa Department of Manpower Development and Placement (DMDP) maoy gisaligan ni Rama pagpadayon sa mabiyaan nga trabaho ni Casas diin una nilang prayoridad ang sweldo sa mga kawani.

“Ang sweldo sa empleyado bisan kadtong wala pako gi-designate, amo nanang gi-workout didto sa banko nga ang mamirma mintras dili pa ko kapirma or wala pa mi designated signatories, gi-submit na namo sa banko ang specimen sa signature ni Mayor Mike Rama,” butyag ni Ardosa.

Tinguha ni Rama nga magpadayon ang pagtunol sa batakang serbisyo ngadto sa mga Sugbuanon niining transisyon karon sa panggobyerno sa Cebu City ubos sa tema “keeping service alive” diin adunay mga overseer nga gibutang ang mayor isip ‘shadow cabinet’ halos sa tanang departamento ug opisina aron maoy mo-coordinate, collaborate ug cooperate para sa giingong hapsay nga pagdumala.

NO REPORT

Giawhag ni Rama ang tanang coterminous nga gi-hire ni Labella sa dili una pag-report sa ilang opisina hangtod dili pa mahuman ang usa ka buwan nga evaluation.

“All coterminous upon the death of the appointing authority who happened to be my partner, Mayor Edgado Colina Labella, had ended by operation of law and in addition I would not even wish so that there is no such thing as bringing hope so I would suggest, all co-terminous may not really be reporting yet,” paghulagway ni Rama.

Ang mga coterminous naglangkob sa city administrator, city legal officer, apan si Atty. Rey Gealon kinsa maoy city attorney ni-resign kay siya magpapili pagka-konsehal sa south district karong Mayo 2022 ug kadtong mga executive assistant nga direktang gi-hire sa Office of the Mayor.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!