PADAYON ang pag-ubos sa ihap sa mga aktibo ug bag-ong mga kaso sa coronavirus disease-2019 (Covid-19) sa Cagayan de Oro City.
Anaa na sa 196 ang aktibo nga mga kaso ug siyam ang natala nga mga bag-ong kaso sa dakbayan.
Sa maong bag-ong mga kaso, upat niini local index cases, upat ang mga local cases with link, ug usa ang patay.
Miabot sa 20,395 ang kinatibuk-ang ihap sa mga kaso sa Covid-19 sa dakbayan.
Ang Cagayan de Oro adunay 196 active cases, 45 niini na-admit sa Northern Mindanao Medical Center ug uban pang mga ospital sa syudad, 150 ang mga outpatient, ug usa ang returning overseas filipino/locally stranded individual.
Nakatala usab og 14 ka mga coronavirus-positive nga mga kaso nga karon naka-recover human nagnegatibo ang resulta sa ilang repeat swab test.
Anaa na karon sa 19,350 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad naa sa 849 human walay natalang patay ang dakbayan.