ANG target sa Department of Social Welfare and Development (DSWD) 7 nga makadugang og kinatibuk-ang 41,091 ka bag-ong benepisyaryo ubos sa Pantawid Pamilyang Pilipino Program (4Ps) sa Central Visayas.
“We encourage the public to validate the master list to ensure that only eligible households become part of the program. The validation process can be done either through a community assembly or a house-to-house visit of our Pantawid staff,” matod ni DSWD 7 Director Rebecca Geamala.
Ang validation ug rehistrasyon nagpadayon sa lain-laing mga siyudad ug lungsod sa rehiyon, diin ang mga kopya sa master list sa mga potensyal nga benepisyaryo sa 4Ps gibutang sa pampublikong mga dapit sama sa barangay, siyudad, ug municipal hall, ang DSWD 7 miingon.
“These potential 4Ps households are required to submit the marriage certificate, birth certificate, school enrollment certificate, health enrollment certificate, valid identification card (ID), or other alternate documents as part of the supporting documents during the registration,” matod ni Geamala sa usa ka press release.
Ang lalawigan sa Sugbo maoy adunay labing daghang bag-ong benepisyaryo nga adunay 34,107, gisundan sa Bohol nga adunay 6,956 ug Negros Oriental nga adunay 27.
Sa pagkakaron, adunay 282,667 ka panimalay sa 4Ps sa rehiyon sa Central Visayas.
Samtang, ang pagbakuna sa Covid-19 dili mandatory sa mga benepisyaryo sa 4Ps, giklaro sa departamento.
“Dili kini kabahin sa mga kondisyon ubos sa kasamtangan nga balaod sa 4Ps (RA. 1 1 31 0). Gipakusog sa departamento ang mga diskusyon niini pinaagi sa Family Development Sessions kalabot sa importansya sa pagbakuna sa Covid-19 sa mga benepisyaryo isip kabahin sa pagdasig para mabakunahan ang mga benepisyaryo,” matod ni Geamala.
Gawas nga giila nga kabus gikan sa Listahanan, ang usa ka panimalay sa 4Ps kinahanglan adunay mga anak nga nag-edad og 0-18 o usa ka mabdos nga miyembro sa panahon sa assessment sa panimalay.
Kinahanglan nga andam ug makahimo sa pagtuman sa mga kondisyon sa programa isip kabahin sa ilang mga responsibilidad.
Ang 4Ps usa ka nasudnong programa sa gobyerno nga namuhunan sa human capital sa mga kabus nga panimalay. Giimplementar pinaagi sa DSWD, kini na-institutionalize niadtong 2019 pinaagi sa Republic Act 11310.