NATUMAN na ang pangandoy ni International Boxing Federation (IBF) super flyweight champion Filipino Jerwin Ancajas nga makasagubang og dakong away.

Kini human opisyal nga gianunsyo ni MP Promotions head Sen Gibbons nga ang lumad nga taga Panabo City, Davao del Norte nakatakdang makigbatok kang World Boxing Organization (WBO) super flyweight king Japanese Kazuto Ioka karong Disyembre 31, 2021 sa Japan.

“This is the fight he has dreamed about, the one he wanted. He’s fighting in Japan not a problem,” batbat ni Gibbons nga napatik sa www.gmanews.tv.

Si Ancajas adunay 33-1-2, 22KOs nga rekord samtang si Ioka naggunit og 27-2, 15KOs nga baraha.