DILI na paduwaon sa Australian squad Adelaide 36ers ang batan-ong Pinoy nga higante nga si Kai Sotto sa nahabilin nilang duha ka mga duwa sa pre-season tournament National Basketball League (NBL) Blitz.

Sa press conference organized nga gipasiugdahan sa Tap DMV kagahapon, asoy ni Adelaide head coach CJ Burton nga ilang seguraduhon nga himsog ang 7’3” nga si Sotto alang sa NBL regular season nga sugdan karong Disyembre 3, 2021 maong nakadesisyon sila niini.

“Right now, maybe, I don’t think we will see him anymore between now and our first game,” pasabot ni Burton sa mga sakop nga napatik sa www.gmanews.tv.

Niduwa lang si Sotto sa premirong duwa sa 36ers sa Blitz diin nakitaan kini og dakong potensyal sa iyang pagrehistro og pito ka mga puntos ug lima ka rebounds.