Sa padayon nga pagkunhod sa kaso sa Covid-19 sa rehiyon, usa ang Lalawigan sa Bohol nga hinay-hinay nga milibkas sa restrictions aron nga kahatagan og kasayon ang mga lokal o langyawng turista nga makasulod sa lalawigan.
Sayod kita nga ang turismo usa sa grabe nga naapektuhan sa pandemya.
Ang pagkatap sa virus maoy hinungdan nga mikunhod ang pagduaw sa mga turista ilabi na ang mga langyaw nga sagad nga mohugpa sa mga world-class white sand beaches sa Bohol.
Hinungdan nga nihimo og mga pamaagi ang maong mga patigayon nga motanyag og mga diskuwento sa ilang rates lakip na ang promos.
Sa katuyohan nga makadani og mga potential guest nga gikan sa Luzon areas, ubang bahin sa Visayas lakip na ang Mindanao.
HENANN
Sa akong pagpa-uli sa probinsiya nga akong gigikanan, mipahimulos ko sa higayon sa akong pagbakasyon ilabi na nga taod-taod ko nga wa maka-uli resulta sa pandemiya.
Giduaw nako ang usa sa mga five-star beach resort sa Bohol ang sikat nga Henann Resort Alona Beach nga nahimutang sa Barangay Tawala, Panglao Island, Bohol.
Ang Henann nipahiluna sa 6.5 ka ektarya nga gilapdon.
Kahinumduman nga sa maong resort gipahigayon ang bag-uhay lang natapos nga Miss Universe Philippines finals night niadtong Septiyembre 30, 2021.
Ang mga maanyag nga kandidata mirampa sa convention center sa Henann.
Gani, ang Cebuana beauty nga si Beatrice Luigi Gomez maoy gikoronahan sa maong beauty pageant, nga gikatakda nga morepresentar sa nasud sa Miss Universe didto sa nasud sa Israel.
DUOL SA TUGPAHANAN
Usa sa nakanindto sa maong resort tungod kay dili ra kini halayo sa nahimutangan sa Bohol-Panglao International Airport.
So, kadtong mga taga-lalawigan o probinsiya sayon nalang sa inyong pagbakasyon ilabi na niadtong via airline.
PROTOCOL
Ania ang gipatuman nga health protocol sa Bohol aron kamo magiyahan.
Ang rekisitos sa Bohol sa mga fully vaccinated, base sa latest nga executive order ni Governor Art Yap mao ang vaccination card, vaccination certificate ug S-pass (pending o approved).
Sa mga partially vaccinated o unvaccinated, nanginahanglan nga mo-secure og RT-PCR test sulod sa 72 hours sa di pa mobiyahe ug approved nga S-pass.
Nagpadayon gihapon ang temperature check sa entrance ug ang pagpatuman sa health protocol sama sa health declaration ug ang pagmontar og alcohol stations alang sa sanitation sa mga guests.
UNSAY NAA?
Sa unang pagsulod pa lang sa maong resort, makita na nimo ang kalapad ug ang katahom sa lugar nga siguradong maka-relax sa inyong pagbakasyon.
Ang resort mitanyag og rooms sama sa Premier, Premier with Direct Pool Access, Family Room, Junior Suite ug Pool Villa.
Ang Hennan Resort sa Bohol adunay 400 ka mga world-class accommodations, ang kinadak-ang convention center sa Bohol diin 1,000 ka tawo ang ma-accommodate.
Adunay tulo ka swimming pools, Sea Breeze Café ug Beach Club, pool bars, lobby lounge, Coral Café, Christina’s Western Cuisine, Gym ug Fitness Center, Kai Spa, Mini Shop ug 120-meter nga beachfront.
Lami sad ang ilang breakfast buffet nga libre sa imong pag-stay sa Hennan Resort.
Daghan kang klase-klaseng putahe nga matilawan ug mamahimo sad kang mosuroy sa gawas sa mga kasikbit nga mga restaurants ug lain-laing mga kan-anan.
Dunay mga tour guides nga nag-offer og round Bohol tour, island hopping, snorkeling ug uban pang makalingaw nga kalihokan.
Samtang sa kadtong mga wa pa masuheto sa lugar kon nanukad kamo sa Tagbilaran City, mamahimo nga mopakyaw og jeep, taxi o tricycle paingon sa resort.
Alang sa dugang inpormasyon o pangutana mamahimong makaduaw sa ilang website o official Facebook page nga Henann Resort Alona Beach, Bohol.
Manuroy na ta sa Henann, as a friend. Support Lokal!