Comelec mitugot sa ‘extension’ nga gipangayo ni Bongbong

ANG Commission on Elections (Comelec) Second Division nisalikway sa motion to recall sa ilang hukom sa paghatag og extention ni kanhi Sen. Ferdinand “Bongbong” Marcos, Jr. sa pagtubag sa petisyon bahin sa pagkanselar sa iyang certificate of candidacy (COC) alang sa pagka presidente.

Sa tulo-ka-pahina nga hukom nga gilagdaan ni Comelec Commissioner Socorro Inting sa Martes, Nobiyembre 23, ang Second Division nikutlo sa Section 4, Rule 1 sa 1993 Comelec Rules of Procedure, “authority to suspend the reglementary periods provided by the rules in the interest of justice and speedy resolution of the cases before it.”

Ang petitioners, civic leaders Fr. Christia Buenafe, Fides Lim, Ma. Edeliza Hernandez, Celia Lagman Sevilla, Roland Vibal, ug Josephine Lascano, ning-file sa Nobiyembre 19 sa motion for reconsideration sa Comelec’s order nga pinetsahan og Nobiyembre 18, 2021 nga nagtugot kang Marcos sa five-day extension sa pagtubag sa petisyon batok kaniya.

Ang petisyon gipasaka batok kang Marcos sa Nobiyembre 2, matod sa petitioners, ang COC ni Marcos kinahanglan nga makanselar tungod sa “multiple false material representations.”

Si Marcos unang gihatagan hangtod sa Nobiyembre 16 sa pagtubag sa petisyon, apan sa samang adlaw, ang kampo ni Marcos ni-file sa Comelec sa hangyo nga extension. sa pagtubag sa reklamo.

Ang Comelec nitugot kaniya og lima ka adlaw nga extension hangtod sa Nobiyembre 18, hinungdan nga ang civic leaders ningsumiter og motion to recall. (SunStar Philippines)


SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!