MATI CITY, Davao Oriental -- Hustisya karon ang gisinggit sa pamilyang Rinsulat human gipusil-patay ang ilang kabanay nga si John Philip Rinsulat Byernes sa buntag, Nobyembre 26, samtang nagmaneho kini sa iyang sakyanan sa Crossing Libudon, Barangay Dawan, ning siyudad.
Subay sa sketchy report, ang biktima usa ka 40-anyos kinsa dunay lima ka samad pinusilan sa nagkadaiyang parte sa iyang kalawasan.
Dead on arrival sa Davao Oriental Provincial Medical Center ang biktima nga giingong usa ka project in-charge sa usa ka kompaniya.
Nasayran nga samtang naglabigar ang biktima sa Crossing Libudon, Barangay Dawan gitaparan kini sa nakamotor kinsa dunay angkas nga maoy mipusil kaniya sa makadaghang higayon.
Wala pa ma-establisar sa kapulisan sa Mati ang anggulo sa hitabo sanglit padayon pa ang ilang gihimong imbestigasyon labot sa krimen.