ANAA ra sa tulo ka mga bag-ong kaso sa Covid-19 ang natala sa Dakbayan sa Cagayan de Oro Biyernes, Nobyembre 26, 2021.
Matud sa City Health Office, sa tulo ka mga bag-ong mga kaso, duha ang mga local index nga mga kaso ug usa ang local case with link.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 20,400.
Ang Cagayan de Oro nakatala usab og pag-ubos sa ihap sa mga aktibo nga kaso.
Aduna nay 191 ka mga aktibo nga kaso karon ang dakbayan, 44 niini na-admit sa Northern Mindanao Medical Center ug uban pang mga ospital sa syudad ug 147 ang mga outpatients.
Nakatala usab og upat ka mga Covid-positive nga mga kaso nga karon naka-recover. Anaa na karon sa 19,360 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad anaa sa 849.