NAGLAOM ang Philippine Basketball Association (PBA) nga makompleto na karong adlawa, Nobiyembre 27, 2021, ang tanang imports nga mopakita’g aksyon sa umaabot nga Governor’s Cup conference.
Nagpasabot kini nga hapit na mahan-ay ang pagsugod sa komperensya.
Kon wala’y nausab sa eskedyul, gituohang naabot na sa nasod sila si Justine Brownlee sa Brgy. Ginebra Gin Kings ug Henry Walker sa Rain or Shine Elasto Painters samtang taliabot karong adlawa si Tony Bishop sa Meralco Bolts.
Tinguha sa PBA nga makapahigayon og mga duwa sa Araneta Coliseum sa Quezon City, FilOil Flying V Arena sa San Juan City, MOA Arena sa Pasay City, Ynares Sports Center sa Antipolo City ug Ynares Sports Arena sa Pasig City.
Kadaghanan sa miyembrong teams andam nang mokombati gawas lang sa uban kansang imports naka-quarantine pa o mosulod pa lang sa quarantine.