Editoryal:Naghinamhinam si Rama?

DIHANG namatay si Mayor Edgardo Labella niadtong Nobiyembre, Biyernes 19, ang kanhi acting mayor nga si Michael Rama nahinabi sa mga tigbalita.

Gipangutana kon unsay kausaban sa Cebu City Hall kon molingkod na siya isip regular mayor sa dakbayan sa Sugbo. Si Rama nagkanayon nga ‘I will not rock the boat.’

Gipasabot niya nga motudlo lang siya og mohulip sa mga mag-unang pwesto nga nabakante tungod sa pag-resign sa personal nga rason, mikandidato sa eleksiyon sa Mayo 2022 ug uban pa.

Apan sukwahi ang namatikdan bisan wala pa malubong si Labella. Ang naasoy nga pulong nahisama nga gitulon og balik sa mayor.

Sabado, Nobiyembre 20, nanumpa siya isip regular mayor uban ni Donaldo "Dondon" Hontiveros pagka bise mayor. Wa pa gilubong si Labella sa Golden Haven sa Barangay Binaliw kagahapon, Nobiyembre 26, si Rama giinong nipalimpiyo na sa buhatan sa kanhi mayor.

Nasayran nga dihang gibalhin si Labella sa City Hall gikan sa Crystal Palace niadtong Miyerkules, Nobiyembre 24, si Rama nihimo pa og press conference, imbes mangandam sa pagbalhin sa haya sa kanhi mayor.

Ang city administrator nga si Atty. Floro Casas, Jr. ni-resign isip coterminous kang Labella, gipulihan dayon ni Engr. Suzzane Ardosa.

Ubang tinudlo ni Labella nang-resign usab. Sa maong kalamboan, dunay hugonhugon nga dunay mahitabo nga lahugay sa mosunod nga pito ka buwan sa nabiling termino sa mayor.

Naghinanhiman gyud si Rama sa pwesto. Hinuon, daan na kini niadtong unang eleksyon nga gusto siya magmayor apan tungod sa grabeng isyu bahin sa drugas, nidawat siya sa pagbise mayor ni Labella.

Sa eleksyon sa Mayo 2022, si Rama nagpailisa pagka mayor. Dili kaha magduhaduha na kaniya ang mga dumadapig ni Labella?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph