Dear Noy Kulas,

Tawga lang ko og Lilian, 55 anyos na ug biyuda. Mga 10 ka tuig na ko nga nabiyuda.

Ang akong problema kaning parte sa gugma sa tiguwang. Tiguwang na man gyud ko bisan unsaon og tan-aw. Di pa hinuon senior citizen. Natural ra tingali nga mobati ta kay tawo ra baya kay sukad nabiyuda ko, daghan ang nanguyab nako nga akong edad ug naa poy maguwang ra nako.

Mga two years, naa koy giganahan nga duha ka lalake, ang usa 65 years old ug ang usa 50 na karon. Nakahibawo ni sila nga nagkaribal ug mahug nga giuyab nako silang duha. Nakahibawo ni sila nga puli-puli nako silang i-date. Pero wa ni sila kahibawo nga puro silang duha ako nang gikadulog sa kama kay bisan sa akong edad, naa gihapon ko ka aktibo ana kay magsige ko og zumba kuyog sa akong mga amiga. Nasuya gani sila nga naa koy duha ka relasyon while sila naa ra sa ilang bana ug naa pay virgin since birth.

Naproblema ko kay kining 65 years old nagsige na og hangyo nga mag live in kay iyang properties iyang ibilin sa akoa. Unya ang akong mga anak okay man kaayo, but mihangyo ning 50 anyos nga magpadayon ang among relationship kay love lagi kuno ko niya. Naglibog ko kay kini silang duha same ra kog feeling nila. Puro ko nadutlan. Unsa kahay akong buhaton, Noy Kulas? Daghang salamat.

LILIAN

Lilian,


Wa man gyuy babag bisan gani magminyo ka kay single ka na man for 9 years. Siya sab, kanang 65 years old I am sure single pud kaayo. Kana gung gi-offer nimo niya nga properties klaro man nga way babag. Nindot na nga offer sa imoha. But kon mopuyo ka uban niya, kinahanglan nga way laing tawo nga ma involve pa nimo. So, nagpasabot nga buwagan nimo nang 50 years old. Di man mahimo nga silang duha ang imong lumpungon kay makigpuyo na man ka.

Pasabta ang 50 anyos kon duna ka nay formed decision. Ayaw anang pina playgirl nga style kay daghan nang mga kinabuhi niana nga nangadaut. Ayaw pagdali, apan pagpili.

NOY KULAS

kulassuper@sunstar.com.ph