PADAYON ang pagnaog sa ihap sa mga bag-ong kaso sa Covid-19 sa Dakbayan sa Cagayan de Oro human kini mitala og lima ra ka kaso, matud sa report sa City Health Office Sabado, Nobyembre 27, 2021.
Matud sa City Health Office, sa lima ka mga bag-ong kaso, tulo ang mga local index nga kaso, usa ang local case with link, ug usa ang patay.
Sa pagkakaron, ang kinatibuk-ang ihap sa mga kumpirmadong kaso sa Covid-19 sa syudad anaa na sa 20,405.
Ang Cagayan de Oro adunay 188 ka mga active cases, 44 niini na-admit sa Northern Mindanao Medical Center ug uban pang mga ospital sa syudad, ug 144 ang mga outpatients.
Nakatala usab og pito ka mga recoveries ang syudad. Anaa na karon sa 19,367 ang ihap sa mga nakarekober sa dakbayan.
Ang ihap sa mga namatay sa Covid-19 sa syudad anaa na sa 850.