Ang kanhi sparring partner ni Senator Manny Pacquiao nga si George Kambosos Jr. mopakita sa iyang abilidad karong buntag batok sa usa ka bantugang boksidor sa New York City, Nobiyembre 28, 2021.
Gikan sa iyang supporting cast role, karon mapamatud-an na ni Kambosos ang iyang nakat-onan gikan sa iyang pagpakig-sparring sa eight time division world champion.
Si Kambosos mosuway og langkat sa IBF, WBO, WBA ug WBC ni Lopez sa lightweight, ang kampo sa challenger moadto sa Hulu Theatre sa Madison Square Garden karong gabii nga puno sa pagsalig sa iyang kaugalingon batok sa champion.
Ang Greek-Ausie star kinsa adunay 19-0 nga win-lose record nidaog sa IBF mandatory fight sa London batok ni Lee Selby niadtong Oktubre 2020. Ang 28 anyos andam na para karong gabii.
“He’s got a lot of nervous energy and fear. His Dad got put in his place. He knows we don’t play around,” padayag ni Kambosos.
“We’re here ready to fight, ready for war, and he tucked his tail between his legs, and that’s what’s going to happen on Saturday night,” dugang niya.
Si Lopez unang nibahad kang Kambosos nga iyang tumbahon ang iyang kontra sa first round apan wa mahadlok niini ang kanhi sparring partner ni Pacman.
“He’s coming to KO me early? No problem. That’s what I want to do. Victory by any means, though, would mean the world, all the sacrifice and hard work I’ve had to make. That’s what will make this special,” litaniya ni Kambosos.
Matod niya nga ang maong away iyang gihalad para sa iyang mga anak ug sa mga tawo nga nagpalibot niya.