Manny gimingaw sa boksing

Bisan kon iya nang gitalikdan apan dili mahimong hikalimtan ni Senator Manny Pacquiao ang paugnat sa kusog nga maoy naghimo kaniyang bantugan sa tibuok kalibotan.

Ang icon ug living legend sa boksing nga si Pacquiao niangkon nga ang iyang pag-retiro sa maong sports gumikan sa pagtutok niya sa politika karon aron mahimong sunod nga presidente sa Pilipinas.

“Hanging my gloves is the hardest part of all my life, cause I grew up in boxing, so I understand that this is sports,” matod ni Pacquiao.

“I miss boxing, but I don’t think boxing still likes me. Well, I’m already turning 43 years old so it’s enough for me. I mean, I’m done,” dugang ni Pacman.

Ang eight time division world champion maoy giila nga greatest boxer of all time sanglit siya ang nag-inusara nga boksidor sa tibuok kalibotan nga nakakuha sa maong mga bakus.

Gikan sa iyang light flyweight nga timbang, si Pacquiao unang nilangkat sa world title sa flyweight sa wala pa siya nisulbong og nahimong kampiyon sa super welterweight division nga adunay timbang nga 154 pounds.

Sukad niadtong Agusto diin gipukan siya ni Yordenis Ugas sa WBA welterweight supertitle, niretiro na siya sa maong sports ug nitutok sa iyang panahon sa pulitika.

Sa pag-away ni Pacquiao kang Ugas, usa na siya ka senador kinsa nagserbisyo sa iyang unang termino nga adunay unom ka tuig ug aduna pa siyay laing termino paingon sa 2028 kon nisang-at pa siya sa iyang certificate of candidacy para sa re-election apan nahukman ni Pacman ang pagpapili sa labing taas nga posisyon sa Pilipinas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph