Dul-an sa 600 ka mga balay ang na-turnover sa mga benepisyaryo sa duha ka mga sitio sa Bantayan, Cebu nga walay bayad ubos sa programa sa National Housing Authority (NHA) ug sa lokal nga kagamhanan.
Mikabat sa 230 ka mga panimalay sa Kabyayan ni San Vicente ang gi-turn-over sa mga benepisyaryo gikan sa mosunod nga mga barangay: Kampingganon (116), Kabangbang (40), Bantigue (55), Kangkaibe (16), ug Atop-atop (3), atol sa turnover ceremony nga gipahigayon sa Barangay Kampingganon niadtong Nob. 20, 2021.
Sa Kabyayan ni Orongel, 362 ka mga panimalay ang gi-turn over sa mga benepisyaryo gikan sa Barangay Bantigue (109), Binaobao (103), Baod (112), Guiwanon (26), Patao (7), ug Kampingganon (5), ang Munisipyo sa Bantayan mipahibawo.
Sa samang okasyon, ang NHA ug Munisipyo, ubos ni Mayor Arthur Despi, mipahigayon sa pagpirma sa usa ka Deed of Donation and Acceptance.
Giawhag ni Despi ang mga benepisyaryo nga atimanon pag-ayo ang ilang mga balay, gipahinumdoman sila kon unsa ka talagsaon ang nahatagan og balay ug titulado nga yuta.
Diha usab sa turnover mao sila si Municipal Administrator Juana Gerzon ug pipila ka mga sakop sa Sangguniang Bayan, ug mga opisyal sa NHA nga gipangulohan ni NHA officer-in-charge Cebu District Office Dante Estrobo ug NHA supervising engineer Jeffry Arranguez.
Ang NHA naa sa building ug turnover blitz sa amihanang Sugbo sa miaging tulo ka mga buwan.
Sa sayo pa, niadtong Nobiyembre 19, ang NHA Central Visayas (NHA 7) nag ground break sa yuta alang sa pagtukod sa 169 ka mga balay sa amihanan-sidlakang bahin sa Sugbo sa lungsod sa Poro ubos sa programa sa pagpahiluna sa mga survivor sa super typhoon Yolanda (Haiyan).
Niadtong Nobiyembre 5, ang ahensya ni ground break usab sa lungsod sa Tudela alang sa pagtukod sa 158 ka mga balay.
Niadtong Nobiyembre 4, ang NHA 7 ni-ground break alang sa pagtukod sa 406 ka mga balay sa lungsod sa Pilar.
Niadtong Septiyembre, gisugdan usab sa NHA 7 ang pagtugyan sa 750 ka libreng housing units ngadto sa survivors sa Yolanda sa Bogo City.