Nag wild sa City jail, napriso

Napriso ang usa ka lalakeng nagmaoy sa alas 2:50 sa hapon sa Biyernes, Nobiyembre 26, gawas sa Talisay City Jail, sa Barangay Maghaway, Dakbayan sa Talisay.

Si Police Lieutenant Colonel Randy Caballes, hepe sa Talisay City Police Station miila sa napriso nga si Leonard Dela Peña, 35, taga Valley View, Barangay Mohon, Dakbayan sa Talisay.

Matod ni Caballes nga si Dela Peña gidakop nila ni SJO1 Guillermo Indig Jr. ug JO1 Reynaldo Siacor, naka duty sa Talisay City Jail.

Sa report sa duha ka mga sakop sa Bureau of Jail Management and Penology (BJMP),kalit nga misulod sa pasilidad sa Talisay City Jail si dela Peña miagi sa gate 1 sa jail.

Giingong nag maoy si dela Peña ug sa dihang gibadlong, nanukmag pa kini sa usa sa mga namadlong kaniya.

Gawas pa niana, si dela Peña giingong nisuway pa pag ilog sa armas sa usa sa mga jail officer.

Kini ang hinungdan nga siya gipusasan ug gi-turn over sa Talisay City Police human mapaubos sa medical examination.

Si dela Peña gibalhug na sa selda sa Talisay Police Station samtang mag atubang og kaso nga kalapasan sa Art. 151 sa Revised Penal Code naga resistance and disobedience to a person in Authority ug Art.148 kun direct assault.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph