Sugod sa Disyembre 1, 2021, sugdan na sa Cebu-Cordova Link Expressway Corp. (CCLEC) ang pagbutang og radio frequency identification (RFID) stickers nga makatugot sa mga motorista nga makagamit sa ikatulong taytayan.
Ang ikatulong taytayan, nga opisyal nga nailhan nga Cebu-Cordova Link Expressway (CCLEX), andam nang gamiton sa sayong bahin sa 2022. Kini usa ka electronic toll expressway. Para makaagi ang sakyanan sa CCLEX, kinahanglan nga naay RFID sticker.
Ang pag-instalar sa RFID gikatakda. Aron makakuha og appointment, ang usa magparehistro online sa https://mptc.outsystemsenterprise.com/ORRAS/.
Kinahanglang andam ang usa sa mga detalye bahin sa (mga) sakyanan nga iparehistro sama sa plate number ug conduction number. Ang usa ka account mahimong magparehistro labaw sa usa ka sakyanan.
Adunay upat ka installation sites—SM Seaside City Cebu sa Cebu City, SM Seaside City Cebu ug Landers sa Cebu City, Anjo World Theme Park sa Minglanilla, Mactan Newtown, o Pueblo Verde sa Lapu-Lapu City.
Kadtong nagparehistro kinahanglang magpakita sa QR code ngadto sa RFID installer aron mapamatud-an ang ilang appointment.
Giawhag sa CCLEC ang mga nagplano nga mogamit sa ikatulo nga taytayan nga magparehistro og sayo samtang libre pa ang pag-instalar sa RFID.
Ang RFID nagtugot sa usa ka sakyanan nga makaagi sa 8.9-kilometros, upat ka lane nga CCLEX nga walay pagpahunong sa toll, nga magdepende sa matang sa sakyanan apan ang base niini mokabat sa P80. Ang pagkolekta sa toll mahimong cashless ug contactless.
Ang CCLEX adunay gidesinyong katulin nga 80 kilometros matag takna.
Nagdugtong kini sa habagatang bahin sa mainland Cebu ngadto sa lungsod sa Cordova sa Isla sa Mactan. Ang oras sa pagbiyahe tali sa mga lugar sa habagatan ug Mactan nakita nga mamub-an og maayo.
Sumala sa CCLEX electronic flyer, ang pag-instalar sa sticker sa RFID kinahanglang himuon sa hayag nga adlaw ug ang curing time 24 oras.
Kini nagpasabot nga sulod niining 24 oras, ang RFID sticker kinahanglang dili ma-expose sa umog o ulan ug ang sakyanan kinahanglang dili hugasan.
Dako ang posibilidad nga dili mabasa ang RFID kon ang sticker gibutang sa bug-at o magic tint (type sa salamin o one-way tint), V-cool tint, 3M dark tint, platinum tint, ug ceramic tint.
Tungod kay ang RFID chip sensitibo man, ang usa kinahanglan nga likayan ang pag-apply og pressure aron dili kini madaot.
Ang CCLEX RFID adunay RFID card, nga usa ka sekondaryang pag-ila nga gikinahanglan sa mga toll lane.