PADAYON ang pag-ubos sa ihap sa mga indibidwal nga nataptan sa Covid-19 sa Siyudad sa Mati, Davao Oriental.

Subay sa impormasyon gikan sa Mati City Information Office, base sa ilang Public Health Advisory, gikan Nobyembre 27, 2021, ang ihap sa active cases miubos sa nakalabay nga tulo ka semana sa 48 porsiyento.

Giingon nga sagad sa namatay tungod sa virus wala pa mabakunahi.

Sa kasamtangan, padayon ang kampanya sa siyudad sa pagpabakuna, diin anaa na sa 64 porsiyento ang nabakunahan.

Anaa pa sa 39,000 ka mga taga Mati nga nag-edad og kapin 12-anyos ang angay bakunahan aron makab-ot ang herd immunity.

Sa pikas bahin, gidasig sa lokal nga gobyerno sa siyudad ang tanang wala pa makabakuna nga mosalmot sa National Vaccination Day gikan Nobiyembre 29 ngadto Disyembre 1.

Tumong sa Mati City nga makuha ang 70 porsiyento nga herd immunity. Mati City Information Office