ANAA na sa 20,410 ang kinatibuk-ang mga kaso sa coronavirus disease (Covid-19) sa Cagayan de Oro human miubos ang ihap sa mga bag-ong kaso sa maong syudad.

Nakatala and Cagayan de Oro og lima ka mga kaso sulod sa duha ka adlaw, pulos mga local transmissions.

Sumala sa report sa City Health Office, sa lima ka mga bag-ong lokal nga mga kaso, upat ang mga local index nga mga kaso, ug usa ang close contact sa pasyenteng nagpositibo sa coronavirus.

Ang ihap sa mga aktibo nga kaso sa Cagayan de Oro miubos na sad, aduna na karon sa 152.

Sa maong numero, 32 niini na-admit sa Northern Mindanao Medical Center ug uban pang mga ospital sa syudad, ug 120 ang mga outpatients.

Nakatala usab og 42 ka mga Covid-positive nga mga kaso nga karon naka-recover. Anaa na karon sa 19,408 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 850.