Mananabtan naligsan sa trak, patay diha-diha

NALIGSAN. Gitabunan gilayon ang lawas ni Maria Filipino, 75, mananabatan, human siya maligsi sa usa ka trak sa iyang paglabang sa S. Osmeña Jr. Boulevard, Dakbayan sa Sugbo gikan nangadye ug nipalit og sud-an sa iyang iring. Estorya sa pahina 2./BENJIE B. TALISIC
NALIGSAN. Gitabunan gilayon ang lawas ni Maria Filipino, 75, mananabatan, human siya maligsi sa usa ka trak sa iyang paglabang sa S. Osmeña Jr. Boulevard, Dakbayan sa Sugbo gikan nangadye ug nipalit og sud-an sa iyang iring. Estorya sa pahina 2./BENJIE B. TALISIC

MANANABTAN nga gikan nangadye sa sementeryo ug niagi og tindahan aron pagpalit og sud-an nga inun-unan nga isda alang sa iyang iring, namatay human maligsi sa usa ka trak sa alas 10 sa Martes sa buntag sa S. Osmeña Jr. Blvd., Barangay Tinago, Dakbayan sa Sugbo.

Namatay diha-diha si Maria Filipino,75, tungod sa grabeng kadaut sa lawas human maligsi sa trak nga gimaneho ni Juill Sherwin Encina, 31, taga Brgy. Pangdan, Dakbayan sa Naga.

Si Police Staff Sergeant Efifanio Comendido, traffic investigator sa Waterfront Police Station, nibutyag nga wa na madala pa sa tambalanan si Filipino.

Si Encina sa interbyu sa Superbalita Cebu niingon nga wa siya makabantay sa pagtatok ni Filipino.

Matod niya nga nagsunod siya og laing trak dihang iyang nadunggan nga dunay kalit nga nilagubo sa ilawom sa iyang sakyanan.

Diha na siya nasayod nga siya nakaligis human siya pahibaw-a sa mga tawo.

Wa na manaug pa si Encina tungod sa iyang kahadlok nga bun-ugon siya sa mga tawo sa dapit, labina sa mga kabanay.

Sa interbyu sa Superbalita Cebu, diha ra siya sa driver’s seat naglingkod, nang-lock sa sakyanan.

Ang usa sa mga apo nga babaye ni Filipino nga di gustong nganlan niingon nga naandan sa ilang apuhan nga motabok sa karsada sa udto kay mananabtan kini sa sementeryo sa Barangay Carreta.

Si Encina gitanggong na sa Waterfront Police Station alang sa posibleng pagpasaka og kasong reckless imprudence resulting to homicide

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph