ANG Central Visayas (CV) naa sa ikaupat nga dapit sa 17 ka rehiyon nga daghang wala pa mabakunahi sa eligible individuals alang sa Covid-19 vaccine base sa Disytembre 1 nga talaan sa Vaccines Operations Reporting System (VORS) nga gipasa sa Visayas Vaccination Operations Center (VVOC) kagahapon, Disyembre 2.
Ang data gikan sa VORS nagpakita nga ang Region 7 dunay 2,180,383 unvaccinated individuals gikan sa 70 percent sa iyang populasyon nga 5,638,340.
“Hopefully, with the ongoing drive that we have, we will be able to address this problem,” matod ni VVOC spokesperson Dr. Mary Jean Loreche.
Matod ni Loreche, ang nag-unang hinungdan mao ang pagdumili sa uban busa dunay kapin sa 2 milyunes pa ang walay bakuna sa rehiyon.
Alang sa Metro Cebu, si Loreche nagkanayon nga dunay 73.95 percent o 1.615 milyunes sa iyang total eligible population nga 2.184 milyunes ang nabakaunahan sa unang dose ug 51.90 percent o 1.333 miyunes ang fully vaccinated.
“With the current performance - we might have 80 percent for the single dose and 55 to 60 percent for the fully vaccinated,” she said, pertaining to their expected vaccination figures by the end of the year,” dason niya.
Sa Disyembre 1, kataposang adlaw sa three-day National Covid-19 Vaccination Days, niabot og 93,748 ang nabakunahan. Labing taas sud sa tulo ka adlaw.
Sa kinatibukan, 551,050 ang nahatagan sa first dose, 72,028 sa second dose ug 8,372 sa booster doses.
Ang Cebu nag-una sa mga lalawigan sa rehiyon nga dunay 252,087 total doses, gisundan sa Bohol sa 129,321, Negros Oriental sa 78,233 ug Siquijor sa 6,962.
Ang Cebu City nakahatag og 95,723 doses, Lapu-Lapu City sa 43,097 ug Mandaue City sa 26,027.