Dear Noy kulas,
Maayong adlaw diha nimo. Tawga lang ko og Celso, ulitawo but 45 anyos na ko. Nagtrabaho ko as courier but di lang nako itug-an kay complicated ning akong problema.
Tungod sa trabaho, akong naila-ila ang babaye nga nakapapitik sa akong kasingkasing bisan panahon ron sa Covid. Akong naila-ila siya nga taguon lang nato sa ngan nga Pam, usa ka madre. Maghatdanan man ko niya og mga package hangtod nga nagkaila mi og maayo. Sugod lang to sa pangumustahay ang amoang duha until nga nag-estorya mi sa among past. Akong nahibal-an gikan niya nga tungod sa iyang mga relasyon nga nangapalpak naka decide siyang mag madre. Ako siyang giingnan nga pareho mi og story.
Karon magkita mi ug nakauyon kaayo ko niya. So, ako siyang gisultihan sa akong gibati niya. Ingon pa niya nga same ang among feeling but di pa siya makatubag og yes or no kay galibog siya. Kay kon mosulti siya og yes, it means kuno nga mogawas siya sa pagka madre kay di siya magbuling buling sa order. Ni ask siya kon makahuwat ba ko ug willing ba ko. Ako siyang gitubag nga maghuwat ko apan di sab kanang forever. Basin ma senior citizen na lang ko.
Noy, di ba lain nga madre ang akong gihigugma ug tungod lang nako mogawas siya? Di ba lain nga nanguyab ko niya nga nanintal ko og babaye nga nag-alagad sa Ginuo? Please tambagi ko kay galibog na ko unsay akong buhaton. Maayo ba ning akong buhaton?
CELSO
Celso,
Sa akong nahibaw-an, di kaayo lisod sa usa ka madre ang paggawas sa order, unlike sa pari nga kinahanglan gyud og pagtugot gikan sa Santo Papa. Busa, di ka sab maghuwat og forever. Let her decide nga naa na sa hustong panahon. Kanang enlightened decision ang iyahang makab-ot.
Maayo gani kay siya mismo nakaamgo nga di maayo nga magkarelasyon mo samtang naa pa siya sa hingpit nga pagpangalagad. Mao nay sakto ug husto nga lakang. Ang sala mao nang nagkarelasyon mo, samot nang naay sexual relation samtang naa pa siya sa sulod. Sama adtong usa ka madre nga kalit lang nahanaw sa ilang kombento. Sa dihang giapas sa mga sakop sa ilang kongregasyon sa balay ini , mga lampin sa bata ang nisugat sa ilang mga mata kay si Sister mimabdos diay. Nahimangod kaayo ang iyang mga kauban. Kon unsa man ang desisyon nga iyang makab-ot, respetuhi lang sab siya.
NOY KULAS
kulassuper@sunstar.com.ph