SEGURIDAD sa dakbayan sa Talisay gipahugtan sa kapulisan kini subay sa nagsingabot na nga kapaskohan, sumala ni Police Lieutenant Colonel Randy Caballes, bag-ong hepe sa Talisay City Police Station..
Si Caballes nagkanayon nga karong semanaha una niining bisitahon ang mga dagkong tindahan ug mga banko lakip na ang pakigtagbo sa kadagkuan sa Talisay Chamber of Commerce (TCC) aron mangayo og tabang kanila nga motabang sa pagpatuman sa siguridad aron dili na subling masudlan pa og tulis ang siyudad.
Lakip nga gipahimangnuan ni Caballes ang publiko sa pag igmat kanunay aron dili mabiktima sa mga tulisan nga mao usab ang ilihok ning nag singabot nga Pasko.
Si Caballes, sa iyang usa kapin ka semana nga paglingod isip hepe sa kapulisan sa Talisay, gisulayan sa mga tulisan.
Duha ka mga kolektor sa usa ka lending firm nga sila si Carl Bleindy Badar, 23, moluopyo sa Barangay Quiot Pardo, siyudad sa Sugbo ug Marlon Velos, 23, molupyo sa Barangay Gaway-gaway, Lungsod sa San Remigio gipangtulis.
Ang duha ka mga tulisan nga lalake sakay og motorsiklo.
Nadagit sa mga tulisan ang mga nakolekta sa duha nga moabot og P60,000.
Tungod sa maong tulis, ang iyang mga sakop sa intelligence monitoring nag-follow-up na sa kaso nga pagtulis sa duha sa usa ka lending company.
Natabo kini sa hinapos sa Nobiyembre dihang bag-o pa gitudlo sa pwesto ang hepe sa kapulisan.