Bimbo di pabotaran ni Osmeña

WAY perminting kaalyado sa pulitika?

Si kanhi Mayor Tomas Osmeña niawhag sa mga dumadapig sa Bando Osmeña Pundok Kauswagan (BOPK) nga dili hatagan sa iyang suporta si kanhi Cebu City Administrator Francisco “Bimbo” Fernandez, kinsa independente nga kandidato sa pagka bise mayor sa dakbayan sa Sugbo sa 2022 elections.

Ang standard-bearer sa BOPK mao ang iyang asawa nga si Margot ug ang runningmate mao si Kasambagan Barangay Kapitan Franklyn Ong, presidente sa Association of Barangay Councils (ABC) hinungdan nga nakalingkod isip ex-officio nga konsehal sa dakbayan sa Sugbo.

Gipasabot ni Osmeña nga kini aron dili mabahin ang boto sa BOPK supporters sanglit ang ilang opisyal nga kandidato pagka-bise mayor mao si Ong.

“Naa tay mga amigo that is close to Bimbo Fernandez and very close to me pero klaro kaayo kon ma-split ang BOPK, ang modaog si Raymond Garcia, mawa gyud ang atong 93-1...that’s going to be a major disaster for the urban poor,” matod ni Osmeña.

Si Fernandez, city administrator ni Osmeña sa iyang pagkamayor sa dakbayan sa miagi niyang mga termino, niingon nga husto ang iyang kanhi amo sangit dili siya kandidato sa BOPK o Barug ni Mayor Michael Rama.

“I am practically running as an independent since I am the only candidate of LP for Cebu City, which does not have any political machinery here. I am not beholden to any politician nor business people. But only to the “gahum sa katawhan,” pasabot ni ni Fernandez.

Samtang, nitubag si Konsehal Raymond Garcia, runningmate ni Mayor Michael Rama ug ‘adopted’ runningmate usab ni Konsehal Dave Tumulak nga nagpapili sab pagka mayor nga independente, bahin sa pamahayag ni Osmeña.

“ If I will not be elected as vice mayor in the City of Cebu in 2022, that could be the real disaster for 93-1 beneficiaries,” sumbalik ni Garcia uban sa pasidaan nga ang libuan ka pamilya nga nagpuyo sa 93-1 mas mahulga kon di siya mapili pagkabise mayor sa eleksiyon sa 2022.

Ang batan-ong Garcia nga anak ni kanhi Mayor Alvin Garcia niingon nga dili na mapugnan ang kadaugan sa iyang iyaan nga si Gob. Gwendolyn ‘Gwen’ Garcia diin aduna silay pending nga negusasyon para sa benepisyaryo sa 93-1 properties.

Iyang giasoy kon si Ong o si Fernandez ang mahimong bise mayor, dili sila makaduol sa buhatan ni Garcia hinungdan nga mapornada ang umaabot nga pagpanag-iya sa yuta sa libuan ka pamilya nga nagpuyo sa 93-1 sanglit dili na matrabaho ang memorandum of agreement (MOA) uban sa Kapitolyo nga maoy tag-iya sa yuta sa pagsulbad sa problema.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph