NAKAISPOT ang Chicago Bulls sa diriyot nga kapildehan human gipapas ang double-digit nga labaw sa Eastern Conference rival nga New Jersey Nets kagahapon.

Ang Bulls mipagawas sa ilang mga bala sa ikaupat nga hugna aron iposte ang kulbahinam nga 111-107 nga kadaogan didto sa New York.

Mipabuto’g 31 puntos si Zach LaVine samtang ang iyang partner nga si DeMar DeRozan midugang og 29 puntos.

Si Nikola Vucevic ug Ayo Dosunmu midugang og 11 puntos matag usa alang sa Bulls.

Sigon ni DeRozan nga kon gusto silang mahimong maayo kinahanglan nila lupigon ang maayo nga team. Ang pagpilde sa Bulls usa ka confidence-booster alang kanila.

“We’re just going to keep coming. We’re learning not to get down on ourselves if we’re missing shots. We’re learning a very critical part of the game is to stay level-headed and to stay balanced. There’s a lot of time in the game for things to turn over. Stay the course. That’s what we do,” dugang pa ni DeRozan.

Si Kevin Durant maoy nangulo sa pilderong Brooklyn sa iyang 28 puntos, si LaMarcus Aldridge mitunol og 20 puntos, samtang si James Harden adunay 14 puntos ug 14 ka assists, apan bati ang shooting niini kag mipasulod lamang og 5 sa iyang 21 ka itsa.

Sa fourth quarter nakaabante og dako ang Bulls pinaagi sa 13-4 run nga mihatag nilag 92-86 nga labaw human sa short jumper ni DeRozan sa nahabiling 7 minutos sa duwa.

Mipasulod og 3-pointer si Durant sa nahabiling 39 segundos aron kuhaan ang labaw, 105-107, apan dali nga nakatubag si Lonzo Ball og tres aron tapuson na ang duwa.

Matod sa head coach sa Nets nga si Steve Nash, daghan silage itsa gani naabot kini sa 111 kabuok apan daghan gyud silag sipyat.