GILUPIG sa San Antonio Spurs ang mas paborito nga Golden State Warriors, 112-107, sa NBA regular season game kagahapon didto sa San Francisco, California.
Mipakatap og 25 puntos si Derrick White, samtang si Dejounte Murray mikamada og 22 puntos ubanan sa 12 ka rebounds aron pangulohan ang Spurs sa ilang ikaupat nga sunodsunod nga daog.
Ang pambato sa Warriors nga si Stephen Curry mitali’g 27 puntos samtang si Jordan Poole mitunol og 15 puntos.
Ang Warriors bag-ohay lang miputol sa 18-game win streak Phoenix Suns.