GIPAKITA sa defending champion Milwaukee Bucks nga kusgan gihapon sila bisan wa makaduwa ang ilang pambato ug two-time reigning MVP Giannis Antetokounmpo.
Ang Bucks milubong sa Miami Heat, 124-102, sa NBA regular season game didto sa ilang homecourt sa Milwaukee kagahapon, sa pagpangulo nila Khris Middleton, Pat Connaughton ug Jrue Holiday.
Si Connaughton mipabuto’g pito ka tres ug mitapos sa duwa nga adunay 23 puntos. Si Middleton midugang og 22 puntos, unom ka rebounds ug siyam ka assists, samtang si Holiday adunay 16 puntos, lima ka rebounds ug pito ka assists.