ANG CitySavings Bank, Inc. (CitySavings) nakadawat og “Philippines Technology Excellence Award for Digital - Banking” sa ulahing Philippines Technology Excellence Awards 2021 tungod sa iyang chatbot nga Talk to Maria.
Ang CitySavings padayong nagmugna og innovative solutions alang sa kustomer taliwala sa Covid-19 pandemic.
Ang banko nagtutok sa pagtubag sa dinaliang panginahanglan alang sa financial services pinaagi sa makahuluganon nga mga produkto ug digital channels lakip sa iyang chatbot Talk to Maria.
Gilusad niadtong Agusto 2019, ang Talk to Maria unang dunay kapasidad sa pagtubag pinaagi sa Facebook Messenger 24/7.
Ang chatbot naghatag sa users sa mapa sa labing duol nga CitySavings branch o ATM terminals.
Ang Talk to Maria dunay motorcycle loan calculator nga naghatag og banabana sa ilang gipaabot nga binuwan nga bayranan.
Ang kliyente magpili sa motorcycle brand, ilang kantidad sa downpayment, ug pagpili sa loan term.
Sa Mayo 2021, dugang features sama sa loan calculator sa salary loans ug abilidad sa pagdawat sa bag-ong loan.
Kini naghatag sa dali ug sayon nga pamaagi sa bag-ong kliyente sa loan online gikan sa ilang balay.
Si City Savings Bank Senior Vice President - Marketing Head Paula Katerina Joson nipaambit sa teknolohiya sama sa chatbot Talk to Maria naghatag sa kasayon sa makahuluganon ug dili malimtan nga kasinatian sa kustomer.
“Our goal is to make banking simple and be the leading mass market bank in the Philippines. We do this by delivering relevant and memorable customer experiences through our technology. We are honored and delighted to receive this award,” matod ni Joson.
Ang awards programme, nagtutok sa technological projects ug innovations, gitumong sa pag-ila sa exceptional companies nga nisakay sa digital disruption wave ug nag-unang technological revolution ug digital transformation sa industriya. (PR)