HUMAN nanghatag og cash aid sa mga biktima sa sunog sa Barangay Mambaling, dakbayan sa Sugbo niadtong Nobiyembre 28, 2021, si presidential aspirant Manila Mayor Francisco ‘Isko’ Moreno” Domagoso nibisita og balik sa Sugbo kagahapon, Disyembre 5.
Giubanan na usab siya ni Deputy Speaker Pablo John Garcia, secretary-general sa One Cebu party, diin ang partido wala opisyal nibutyag sa ilang suportahan sa pagka presidente ug bise presidente sa Mayo 2022 nga nasudnong eleksiyon. Si Domagoso gikatakda nga motambong sa Sugbo Negosyo awarding ceremony sa Kapitolyo.