Dear Papa Joe,
Tawaga lang ko sa angga nga Estong, 43 years old, taga Talisay.
Akong problema kay sukad ko nakanaug sa barko sukad pag pandemic kay sayon sayonon raman ko sa akong ka live in. Wala miy anak pero siya ang nabulahan sa akong kita. Nakabalay mi pero sa iyang ngalan kay di man mi kasado ug nisugot sad ko kay mao may gusto niya kay para di ko mobiya. Apan ang nahitabo kay ako namay palayason hinuon ug ingnon pako niya nga technically wa koy habol niya kay di mi kasado ug di akong ngalan ang balay.
Paeta diay ning gamiton ra ta. Unsa may tambag nimo nako?
ESTONG
Estong,
Pasensya na nga nabiktima ka og ingana nga batasan sa tawo.
Tinuod sad gyud na maglisod ka og gukod niya kay di mo kasado ug mao nay tubag sa imong pangutana kon nganong naay manggamit. Kay kon kasado pa mo, basin malamdagan pa siya sa inyong panaad unta nga for better or for worst. Hinuon suwayi og dangop og abogado. Mao lagi sad mogasto sad ka para mabawi nimo ang balay kon maka-establish ka nga imo ang kwarta ug wa siyay kapasidad makapalit niini o ba kaha kon grabe nakapalayas nimo, imong ipa barangay. Syaro wa kay makuha nga testigo diha. Bitaw sa tinuod, konsulta og abogado. Salamat.
Papa Joe
(sa inyong tampo ipadala lang sa papajoesuperb@gmail.com)