ANG Department of Social Welfare and Development (DSWD) Field Office VII nitarget nga modugang sa kinatibuk-ang 41,091 ka bag-ong benepisaryo sa Pantawid Pamilyang Pilipino Program (4Ps).

“We encourage the public to validate the master list to ensure that only eligible households become part of the program. The validation process can be done either through a community assembly or a house-to-house visit of our Pantawid staff,” matod ni DSWD-7 Regional Director Rebecca Geamala.

Ang validation ug registration nagpadayon sa nagkalainlaing dakbayan ug kalungsoran sa Central Visayas (CV), diin mga kopya sa master list sa potensiyal nga 4Ps beneficiaries gibutang sa dapit nga daling makita sa kabarangayan, dakbayan ug kalungsoran.

“Furthermore, these potential 4Ps households are required to submit the marriage certificate, birth certificate, school enrollment certificate, health enrollment certificate, valid identification card (ID), or other alternate documents as part of the supporting documents during the registration,” dugang ni Geamala.

Si Geamala nagkanayon nga ang bag-ong mga benepisaryo gidasig sa pagduol sa nadestino nga 4Ps City ug Municipal Links (C/MLs) alang sa registration schedule.

Atol sa validation ug registration, gimandoan sila nga mosunod sa minimum health standards sama sa pagsul-ob og face mask, hand sanitizing, ug physical distancing.

Ang Cebu province maoy labing daghan og bag-ong benepisaryo nga moabot og 34,107, gisundan sa Bohol nga 6,956 ug Negros Oriental nga 27.

Sa pagkakaron, dunay 282,667 4Ps households sa CV region.

Ang DSWD nipatuman sa programa sa tibuok nasod, milangkob sa 4.4 milyon households.

Kini nagpadayon sa pag-abot sa dugang mga kabus nga pamilya pinaagi sa paghulip sa nakatapos na sa programa.

Ang 4Ps National Advisory Council (NAC) nipasar og Resolution No. 43, naglatid sa replacement policy sa 4Ps households niadtong wala pa naapil sa programa.

Ang listahan sa potensiyal nga benepisaryo sa 4Ps nagagikan sa Listahanan database sa 2015 household assessment.

Gawas sa giila nga kabus gikan sa Listahanan, ang 4Ps nga pamilya kinahanglan dunay mga bata nga nag-edad og 0-18 o mabdos nga sakop sa panahon sa household assessment ug andam motuman sa mga kondisyon sa programa isip kabahin sa ilang responsibilidad.

Ang 4Ps usa ka nasudnong programa sa kagamhanan nga namuhonan sa human capital sa mga kabus nga pamilya. Gipatuman pinaagi sa DSWD, nahimugso kini sa 2019 ubos sa gahom sa Republic Act 11310.

Usa kini ka national poverty reduction strategy sa kagamhanan nga naghatag og cash grants sa paglambo sa panglawas, nutrisyon ug edukasyon nga aspeto sa ilang kinabuhi.

Ang programa naghatag usab og psychosocial ug psycho-educational nga parte pinaagi sa Family Development Session (FDS), paggiya sa mga benepisaryo sa pagpalambo ug pagsustiner sa kahimtang.

Ang mga pamilya hatagan og cash grants bugti sa pagtuman sa mga kondisyon sa programa. Kini naglakip sa school attendance sa dili mominos 85% matag buwan ka mga bata nga nag-enroll sa pre-school, elementary, o high school; anak nag-edad og 5 ug paubos sa preventive check-up ubos sa DOH; mga bata nga na-enroll sa elementarya sa pagdawat og deworming pills kaduha sulod sa school year; mga mabdos kinahanglan nga nakadawat og pre-natal ug post-natal care, base sa DOH protocol; ug parent/s o guardians sa pagtambong sa Family Development Sessions. (PR)