NAMATAY sud sa tambalanan ang usa ka baker nga nitabok sa N. Bacalso Ave., Bgry. Tungkop, lungsod sa Minglanilla,human maigo sa naghaguros nga Sunrays bus mga alas 5:50 sa hapon sa Dominggo, Nobiyembre 5, 2021.
Ang biktima sa hit and run giila ni Patrolman James Borres nga si Francisco Camasura, Jr., 37, ulitawo, taga Primitiva Compound, Brgy. Tungkop.
Matod ni Borres nga si Camasura nitabok sa highway tadlas sa pedestrian lane samtang nagdulong usab ang bus nga gimaneho sa wa pa mailhing driver.
Naigo si Camasura ug nalabay og pipila ka metros tungod sa impact.
Inay mohunong, ang Sunrays bus (body no. S26) nipadayon sa pagpadagan padung sa habagatang bahin sa Sugbo.
Mga alas 6:20, si Camasura gideklarar nga patay na sa nag-atiman nga doktor sa Minglanilla District Hospital.(GPL)