NAPUTOL ang walang tiil sa usa ka pulis nga sakop sa Intelligence Unit sa Oslob Police Station human maligsi sa usa ka backhoe pasado alas 6:00 sa Lunes sa gabii, Disyembre 6, 2021.
Si Police Corporal Jeceil Yrauda sa Oslob Police Station miila sa biktima nga si Police Staff Sergeant Jun Emar Jerusalem, 39, taga Barangay Tan-awan Oslob, Cebu.
Matod ni Yrauda nga padung sa Barangay Puntod sa nahisgutang lungsod si Jerusalem aron mosusi sa gikataho nga pag pamaligya og drugas sa nahisgutang lugar.
Sa iyang pag biyahe sakay sa iyang motorsiklo, iyang gikasugat ang backhoe sa may Barangay Nueva Caceres nga gimaneho ni Rexiel Resuento, 51.
Sa kakalit, nawad an og control si Resuena sa backhoe, iyang nabanggaan ug naligsan ang motorsiklo ug si Jerusalem.
Si Resuento gitanggong sa Oslob police samtang si Jerusalem daling gidala sa Vicente Sotto Memorial Medical Center (VSMMC) sa Dakbayan sa Sugbo. (BBT)