Gidaghanon sa mga international /domestic passengers nga mosulod-gawas sa tugpahanan sa Mactan mitala na ngadto sa 200,000 sud sa usa ka buwan.
Kini maoy gibutyag ni Lissa Librodo, airline marketing and tourism development sa GMR Megawide Airport Corp.
Magsilbi nga anaa sa 20 porsento ang maong gidaghanon itandi sa pre-Covid passenger traffic nga moabot kaniadto sa usa ka milyon ang pasahero sa international ug domestic flight sud sa usa ka buwan.
Alang ni Librodo nga dako kini nga kalambuan taliwala sa nagpadayon nga pandemiya ilabi na sa hulga sa Omicron variant.
Ang maong 20 porsento gibana-bana nga moabot ngadto sa 9,000 ngadto sa 10,000 ang pasahero sa Mactan Cebu International Airport (MCIA) matag adlaw.
“Since the start of the pandemic this is the highest traffic as of now, actually we crossed the 9,000 level yesterday (Disyembre 6) and we have observe the increase for the last two weeks,” tipik sa pamahayag ni Librodo.
Samtang, kagahapon, Disyembre 7 gibuksan sa GMR Megawide ang Airport Bazaar Yuletide Edition nga gihimo na nga tinuig nga tradisyon sa airport.
Ang maong bazaar hangtod pa sa Enero 20 nga adunay mga baligya nga Cebu’s delicacies ug crafts.
“People will be able to experience a different ambience at the airport. It’s not just for the airport were you met passengers and you go,” matod pa ni Librodo.